ဆောင်းများ

မြောက်ပြန်လေတွေပြန်လာတဲ့နေ့က
ဘယ်သူမှမပို့တဲ့
အီးမေးလိပ်စာကို
ဖွင့်ဖတ်မိတယ်
စစ်ပွဲကြီးတခုပဲစတင်တော့မလိုလို
စစ်ပွဲကြီးတခုပဲပြီးဆုံးသွားခဲ့ပြီလိုလို
လမ်းတွေဟာ ဟာလာဟင်းလင်း
ဓာတ်ကြိုးတန်းတွေက အဝေးမှာနိမ့်ဆင်းသွား
ဘယ်ဆီများလဲ….

မပြောမဆို
တမြေ့မြေ့တိမ်တွေ
ခုချိန်သာဆို
ကန်သုံးဆင့်မြက်ခင်းပြင်ထဲမှာ
မြေ၀ပ်ငှက်ကလေးတွေ
အိမ်ပြန်ချိန်တဲ့
သွေးညှီနံရလို့
ညနေခင်းကိုရှိုက်သွင်းမိတော့
သစ်သားမီးကျွမ်းရနံဟာ
အပြာရောင်သေတမ်းစာ
သိုက်ဆရာရဲ့ကြိမ်လုံးလို
အဝေးကခေါ်သံများ.....
ဘ၀ဟောင်းရဲ့
ရေပြင်အောက်အမှောင်ထုမှာ
သိုက်ကြိုးမဖြတ်ရသေးတဲ့ငမန်းတွေ
လန့်နိုးကူးခတ်ကြ
အိမ်နောက်ဖေးတောအုပ်ထဲက
ချိုးကူသံသဲ့သဲ့ကြားရ၊
တူးပို့ဒိုးသံတွေနဲ့
သပြေခက်တွေနဲ့အမေထိုးတဲ့
အတာရေအိုးလေးကိုလည်း
သတိတရပေါ့
လေထဲ မင်းနာမည်
ငါရေးခဲ့တယ်။ ။
သစ်ကောင်းအိမ်
(၁၆. ဒီဇင်ဘာ. ၂၀၀၆)
ကန်သုံးဆင့်= ပုသိမ်မြို့မှ ကန်ညီနောင်သုံးဖော်