Friday, November 9, 2007

အိပ်မက်မြစ်



မြောက်လေရိုင်းတွေက
အထီးကျန် သစ်ကိုင်းတွေကို
အရိုးပြိုင်းပြိုင်း ကျတယ်

စိတ်ထဲ
အဆိပ်တွေ စီးကျလာပြန်ပြီ
မတိတ်သေးတဲ့အတိတ်ကို
တိပ်နဲ့ကပ်ပြီး
မတိတ်သေးတဲ့နှင်းတွေ
ပြိုဆင်းလာနေပြီ


မျက်စိမှိတ်လိုက်တယ်
အဝေးအိမ်ဆီ
မြက်ခင်းပေါ် ဒရွတ်ဆွဲ
သွက်ချာပါဒ ရောဂါသည်လေး
“ခရစ်စ်တီးနားရဲ့ကမ္ဘာ” ပန်းချီကား
ကျနော့ပါးပြင်ပေါ် လိမ့်ဆင်းသွားတယ်

ခင်ဗျားတို့ တမလွန်မှာရော
ပွင့်လင်းရာသီ ရောက်ပါပြီလား
ကျောင်းဆရာ

သွေးကြောထဲ
မြစ်စိမ်းရှင်ရှင်
ပြန်မြင်ချင်လှပြီ
င၀န် …

နှစ်တွေကြမ်းတော့
နှင်းတွေ နွမ်းခဲ့တယ် …

သစ်ကောင်းအိမ် (၀၉၊ နိုဝင်ဘာ၊ ၂၀၀၇)

မူရင်း-
http://cozan.blogspot.com/2007_11_11_archive.html

ရေတံခွန်



အမေ့ရဲ့ 
မေတ္တာတရားလို
ချောက်ကမ္ဘားအစွန်းမှာ
လေဟာနယ်ထဲ
ခြေတဖက် နင်းခဲ့တယ် … ။

သစ်ကောင်းအိမ်
(၀၉၊ ၁၁၊ ၂၀၀၇)

မူရင်း -
http://cozan.blogspot.com/2007_11_11_archive.html

Wednesday, November 7, 2007

ကျွန်းရွက်များအကြောင်း အောက့်မေ့မှု




ပြားချပ်သွားတဲ့ ကမ္ဘာကြီးပေါ်က
ဖိနောင့် ပါးနေတဲ့
ပြားချပ်ချပ် ဖိနပ်တရံပေါ် ရပ်ရင်း
ငါ … ဆွေးနေမိရဲ့ ။


မျက်ရစ်မပါတဲ့ အချစ်နဲ့ 
ထူထောင်ခဲ့တဲ့ ခေတ်တခေတ်ဟာ
မင်းဖြစ်ခဲ့ပေါ့
ဂန္ဓာလရာဇ်သွေးနဲ့
ငါ့ သားလေးရေ။

မင်းတို့ လူမျိုးတွေဟာ
လူတော်တွေပါ
လူပေါ်လူဇော် မလုပ်မိစေနဲ့။

မင်းတို့ လူမျိုးတွေဟာ
လူတော်တွေပါ
လူယုတ်မာတွေ မဖြစ်မိစေနဲ့။

မင်းတို့ လူမျိုးတွေဟာ
လူတော်တွေပါ
သူတပါး တိုင်းပြည်ရဲ့  အသွေးအသား
မပြစ်မှားမိစေနဲ့။

သမိုင်းဆိုတာ
သားကြောဖြတ်လို့ ရတဲ့အရာ မဟုတ်ခဲ့
တို့နိုင်ငံရဲ့  “ရွှေဝါရောင် တော်လှန်ရေး”
သွေးနဲ့ လက်ခမောင်းခတ်ခဲ့ပြီ
“ပုရွက်ဆိတ်တွေရဲ့ ဘုံဝါဒ … အဓွန့်ရှည်ပါစေ
ခွေးအတွေရဲ့ ဘုံဝါဒ … ကျဆုံးပါစေ”

တိန့်ရှောင်ဖိန်က
တိန်အန်မင် အရေးအခင်းကို
ရူးချင်ယောင်ဆောင်ခဲ့တယ်။

သစ်ကောင်းအိမ်
(၀၇၊ ၁၁၊ ၂၀၀၇)

မူရင်း-

http://drlunswe.blogspot.com/2007/11/poet-thit-kaung-eain-monologue.html

andamanhero.blogspot.com/2007/11/blog-post_08.html

maynyane.blogspot.com/2007/11/blog-post_07.html

soneseayar.blogspot.com/2007/11/blog-post_6333.html

cozan.blogspot.com/2007/11/blog-post_1297.html

Sunday, November 4, 2007

ရွှေဝါရောင် စပါးတွေ ရင့်မှည့်နေပြီ ညီမလေး




ငါတို့ ကိုးကွယ်တဲ့ဆင်းတုကို
ခေါင်းရိုက်ခွဲသူ
ငါတို့ ဦးညွှတ်တဲ့ တရားကို
လှံစွပ်နဲ့ ထိုးသူ
ငါတို့ ၀ပ်တွားတဲ့ ၀တ္တကမြေကို
ကျည်ဆံနဲ့ မီးလောင်တိုက်သွင်းသူ

လမ်းဘေး
တွေ့ရာအုတ်ခဲနဲ့ ငါတို့ ပြန်ထုတယ်
ဒါ … အကြမ်းဖက်မှုလား

ကမ်းကြမ်း ဖက်ထားကြ
ငါတို့ရွက်တွေကို
ကြမ်းကြမ်း ဖက်ထားကြ

ကြမ်းကြမ်း ဖက်ထားကြ
ငါတို့တက်တွေကို
ကြမ်းကြမ်း ဖက်ထားကြ

ရန်သူကို ရန်သူလို့ မခေါ်နဲ့ဆို
ငယ်ငယ်က ဖတ်ဖူးတဲ့ ကာတွန်းထဲက လူရိုင်းတွေလို
“ ယူသန် … ယူသန်..” လို့ အော်မယ်

မစ္စတာ ဘန်ကီမွန်းရေ ….
အသက်ကယ်ဘော မပါတဲ့ ကမ္ဘာကြီးထဲ
ဘီကီနီ မ၀တ်ဘဲ
ရေနစ်နေတဲ့ ခေတ်တစ်ခေတ်ဟာ
ငါတို့ဖြစ်တယ်

မြင်ကွင်းတွေဟာ ဟင်းလင်းပဲ

ဆောင်းဦးပေါက် ကွင်းပြင်မှာတော့
ရွှေဝါရောင် စပါးတွေ
ဝင်းမှည့်နေပြီ ညီမလေး ။ ။

သစ်ကောင်းအိမ်
(၀၄၊ ၁၁၊ ၂၀၀၇)
(မူရင်း -
http://www.mizzimaburmese.com/component/content/article/16/458---.html
http://lawkanat.myanmarbloggers.org/2007_11_07_archive.html )

Tuesday, October 30, 2007

စိန်ပန်းပွင့်ချိန်မှ သင်္ကန်းပွင့်ချိန် ညီမလေး



ဇီဝဇိုးငှက်တကောင်ရဲ့ အန်ဖတ်လို
မေတ္တာတရားမှာလည်း
သွေးစသွေးနတွေနဲ့
သမိုင်းပျို့တယ်

သင်္ကန်းကို မီးလောင်လို့
ခွေးတွေက တခေတ်လုံးဟောင်တယ်

ဟောင်ဖွာ ဟောင်ဖွာတွေနဲ့
မီးမညှိလေနဲ့ ညီမလေး

ရတာ ခဲထားကြတာလည်း
ရခဲခြင်းပါပဲ

နောက်ကျောက ဓားနဲ့
ကျောခိုင်း ရပ်ခဲ့တယ်

အနီးကြီး နီးဖို့
အဝေးကြီး အဝေးကြီး ဝေးခဲ့တယ် ။ ။

သစ်ကောင်းအိမ်
(၃၀၊ ၁၀၊ ၂၀၀၇)

(မူရင်း -
http://maynyane.blogspot.com/2007/10/blog-post_31.html
http://lawkanat.myanmarbloggers.org/2007_11_07_archive.html )


သားပျောက်တေး



သွေးနဲ့ ရေးမှ ဆေးမှင်ကြောင်
ရင်နဲ့ သွေးခဲ့တယ် ရင်သွေး

အချစ်များစွာနဲ့  ပြစ်မှားမိခဲ့ပါတယ်


ကဗျာနဲ့ ငါ
အဖန်ငါးရာ ငါးကမ္ဘာ

သို့  …
မိစ္ဆာအတွက် ဖိတ်စာ

အ၀ီစိရဲ့အောက်
ငရဲကို နောက်တထပ် တိုးဖို့
ပဉ္စမမျိုးဆက်သွေးနဲ့
ဒီကဗျာကို ငါရေးတယ် ။ ။

သစ်ကောင်းအိမ်
(၃၀၊ ၁၀၊ ၂၀၀၇)

(မူရင်း -
http://satinchin8888.blogspot.com/2007/10/blog-post_8923.html
http://cozan.blogspot.com/2007/11/blog-post_6437.html
http://soneseayar.blogspot.com/2007/10/blog-post_4838.html
http://lawkanat.myanmarbloggers.org/2007_11_07_archive.html )

Thursday, October 25, 2007

ငွေကြာယံ


သရဏဂုံကို

သရဏဂုံ ပြန်တင်နေရတဲ့ခေတ်


ဒေါင်းသင်္ကန်းတွေနဲ့

သူပုန်အလံကို ဥုံခံကာ လွှင့်ကြ


အစွယ်ဖွေးဖွေး စစ်ခွေးအုပ်ကြား

အောင်ခြင်းကိုးပါး မြတ်တရားနဲ့ 

ဗုဒ္ဓပွင့်တော်မူခဲ့ပြီ … ။


သစ်ကောင်းအိမ်

(၂၅၊ ၁၀၊ ၂၀၀၇)


(မူရင်း -

mizzimaburmese.com

drlunswe.blogspot.com



သေစာရှင်စာ



နိုင်ငံကူးလက်မှတ် မရှိဘူး
ဘ၀ကူးလက်မှတ်တော့ ရှိတယ်
နေ့ကိုစွဲသေပြီး နေ့စွဲဖြစ်ခဲ့
နေ့စွဲလေး တစွဲပါပဲ

သီတင်းကျွတ် လပြည့်ည ကောင်းကင်မှာ
မီးပုံးပျံတွေ မြင်မှ
ဘယ်တုံးကမှ မှိုင်းမ၀ဘူးတဲ့
ကိုယ်နှလုံးသားကိုလည်း သတိတရနဲ့
ပီကာဆို လွှတ်လိုက်တဲ့ ချိုးငှက်
ပီကာဆိုလက်ထဲ ပြန်မရောက်နိုင်ခဲ့

တရား...တရားဆိုလား
ဘုရား...ဘုရားဆိုလား
မျှပြီးတကြရ
ကြားဖူးတယ်

ကြားဖူးတယ်
တရားဆိုတာ
မျှတမှုပဲဆိုလား
ကြားဖူးတယ်
ငါ့ ဘောပင်လေးကိုတော့ ခွေးစာမကျွေးနိုင်ပါ

ဟဲလို.....
၃၁ဘုံခင်ဗျား
ရမ္မက်ကြီးလွန်းလို့
အရင်းအတိုင်း ထိုင်မြည်းနေတာ။ ။

သစ်ကောင်းအိမ်
(၂၅၊ ၁၀၊ ၂၀၀၇)

( မူရင်း -
http://maynyane.blogspot.com/2007/10/blog-post_30.html
http://lawkanat.myanmarbloggers.org/2007_11_07_archive.html )


Thursday, October 11, 2007

ရွှေဝါရောင် ဥဒါန်း



သာသနာတော်တောင် သွေးစွန်းခဲ့ရ
ဟောဒီကာလ ဟက်တက်ကြီးထဲ
အလွန်းကိုလည်း တကျွန်းပို့ထားရပေါ့
မောင့် ဂူစတီနာ

မီးသဂြုင်္ိဟ်စက် တလုံးလို
ကိုယ့်ကိုယ်ကို လောင်ကျွမ်းကြ
ပက်ပက်စက်စက် လောင်ကျွမ်းကြ

ဒါ … နှင်းဆီရောင် အလှတရားလား
စုန်းမအိုရဲ့ မြည်တွန် တောက်တီးသံတွေလား
ဒါမှမဟုတ် သွေးနံ့ရတဲ့ ပင်လယ်လား

ငါတို့ ရေနန်းယာဉ်သာ သင်္ဘောကို မမျှော်နဲ့
ငါတို့ ကောင်းဘွိုင်ကြီး ဂျွန်ဝိန်းကို မမျှော်နဲ့

ဝါးလုံးဆွေးကို အလံထောင်လို့
မိစာက ဟားတိုက်ရယ်နေရဲ့

ငါတို့ဖိနပ်သာ ငါတို့သေနတ်ဖြစ်တယ်

သွေးကြွေးဆိုတော့
ဆွေးနွေးဖို့မရှိတော့ပါ ။ ။

သစ်ကောင်းအိမ်
(၁၁၊၁၀၊၂၀၀၇)

မူရင်း -
maynyane.blogspot.com/2007_10_01_archive.html
lawkanat.myanmarbloggers.org/2007/11/blog-post_07.html
www.abitsu.org/phoezay/?m=20071011

Sunday, July 22, 2007

သြဂတ်စ်တမ်းချင်း

နေ၀င်တာစောင့်မကြည့်ချင်ဘူး
နေလုံးကို ဖြုတ်ချပစ်ချင်တယ်။

လမ်းကြိတ်စက်အောက်က
ထွက်လာတိုင်း
လမ်းပြန်ဖြစ်ခဲ့မယ်။


ဆင်ပစ်ဖို့ဆိုပြီး
တောနက်ထဲဝင်ခဲ့တာ
ဘယ်တော့မှ၊
ဒရယ်သေတကောင် ထမ်းမပြန်ဘူး
စိတ်ချ... တဲ့။

ကမ္ဘာပြုမုန်တိုင်းကိုဒုန်းစိုင်းရင်း
အောက်မေ့ဖွယ်တိမ်တိုက်တွေကိုပွေ့ပိုက်
သင်တို့ နှလုံးသားထဲက
သူ့အသိုက်ရှိရာဆီ
သြဂတ်စ်လရဲ့တောင်ပံများ
ပြန်ခဲ့ပြီ။

သစ်ကောင်းအိမ်

မူရင်း-
http://weunite-weblog.blogspot.com/2007/07/blog-post_311.html

Tuesday, July 17, 2007

မဲဆောက်တောင်ခြေ

ရွှေ့ပြောင်းအလုပ်သမား
ရွှေ့ပြောင်းအစိုးရ
ရွှေ့ပြောင်းကဗျာဆရာ
မိုဘိုင်းဖုန်းသံတွေနဲ့ ဆူညံနေတဲ့ကမ္ဘာ

ဂျနီဗာကတိ က၀တ်တွေထက်
ဂျနီဖာလိုပက်(ဇ်)ရဲ့အတွင်းခံ ပစ္စည်းတွေက
ပိုပြီးအရေးပါခဲ့

စစ်ပွဲကြီးတွေအလယ်မှာ
မျက်စိသူငယ်နဲ့
မူးနော်လေး ‘ကိုဖီအာနန်’ ကိုလည်း
ရွာကိုသာပြန်ပို့ လိုက်ပါတော့


ဖတ်မိတဲ့သတင်းတပုဒ်မှာ
သူ့ကိုကိုက်တဲ့ခွေးကိုပြန်ရိုက်မိလို့
ကံဆိုးမ တိုင်းပြည်က
အမျိုးကောင်းသားလေးတယောက်
မီးရှို့အလောင်းဖျောက်ခံလိုက်ရ

ညက
မဲဆောက်ည အိပ်မက်ထဲမှာ
အဖမ်းအဆီးတွေက ကြမ်းလိုက်တာ
ပြေးပေါက်ရှာမတွေ့တော့
ချောက်ချားစရာကောင်းလိုက်တာအမေရယ်

တောခြောက်သံတွေကြားမှာ
အမောဖောက်သံတွေက ကျွက်ကျွက်ဆူ
အဲဒီ အဆုပ်လိုက်ပွင့်နေတဲ့ သောကအပူတွေကိုတော့
လူဖြူတအုပ်က
စီးကရက်ကလေးဖွာလိုက်
‘Oh! Great’ ‘Oh! Great’ ဆိုပြီး
အာမေဍိတ်လေချဉ်လေးတက်လိုက်နဲ့
မဲဆောက်နိုက်ဘဇားမှာ
‘Crocodile Tears’ မှာ
ဘီယာချောင်းစီးနဲ့
စိမ်ပြေနပြေမြည်းကြ

အိမ်နီးချင်းကောင်းတွေကလည်း
စက်နင်းခုံပေါ်က၀ဋ်ကြွေး
နှစ်ထပ်အချုပ်၊ ဒုက္ခသည်စခန်းနဲ့
ပြည့်တန်ဆာတန်းတွေကို
စာနာမှုလက်ဆောင်အဖြစ်ဝေခြမ်းကြ

ပဏ္ဍိတတွေကလည်း သူဖုန်းစားပမာ ပညာရှာမြဲ
တတိယအရွယ်တွေကလည်း ငွေကမ္မဌာန်းကို စီးဖြန်းမြဲ
ကျနော်တို့နောက်ကျောမှာ လိုက်ရွာနေကျမိုးကလည်း
အမောတကောလိုက်ရွာမြဲ

နှစ်ခါပြန်ချိုးလို့ မရတဲ့မြစ်ထဲမှာ
တခါတည်းသာ နှစ်သေလိုက်ပါတော့
မည်သို့ပင်ဖြစ်စေ
မဲဆောက်တောင်ခြေ
စီးထွေထွေတည့်။ ။

07/17/07
သစ်ကောင်းအိမ်

(မူးနော်လေး - ကရင်ဘာသာစကား- အပျိုမ
ထိုင်းနိုင်ငံအတွင်း သက်ရောက်အဓိပ္ပာယ်- အိမ်ဖော်)

Monday, July 16, 2007

သိုက်တူးသမားတယောက်အကြောင်း ပြန်လည်ပြောပြချက်
သစ်ကောင်းအိမ်
ဒီဇင်ဘာ ၄၊ ၂၀၀၈

ကြေးစားကလည်း ကြေးစားပီသတယ်
ရန်သူကလည်း ရန်သူပီသတယ်
လူကလည်း လူပီပီသသ။

မနက်ခင်းမှာ အရက်နာကျတယ်
နေ့လယ်ခင်းမှာ စိတ်ဓာတ်ကျတယ်
ညတွေမှာ ရင်ကွဲနာတွေကျတယ်။

တီတူးပြီးရောင်းလို့ ရတယ်
ဆံပင်ဖြတ်ပြီးရောင်းလို့ရတယ်
တိုင်းပြည်ကိုလက်ညှိုးထိုးပြီးရောင်းလို့လည်းရတယ်။


ဘာမနာလိုစရာရှိလဲ
အင်ဒရူးဝိုင်းယက်က ကိုယ်ပိုင်ကျွန်းမှာ ပန်းချီဆွဲတယ်
ငါက ကိုယ်ပိုင်အလွမ်းအဆွေးတွေနဲ့ ကဗျာရေးတယ်။

ဘာမနာလိုစရာရှိလဲ
မင်းနဲ့ငါလည်း ငွေလိုနေတယ်
လူသန်းပေါင်း (၆၀) လည်း ငွေလိုနေတယ်
အမေရိကန်အစိုးရမှာလည်း ငွေလိုနေတယ်။

ဘာမနာလိုစရာရှိလဲ
သုဘရာဇာက အလောင်းအလှပြင်တယ်
ငါက စာအုပ်အလှပြင်တယ်
သွေးဆာရင်ကောင်းကင်မော့ကြည့်တယ်။

ပန်းအလှစိုက်ပြီး
ယဉ်ကျေးချင်ယောင်ဆောင်သောလူသားကမ္ဘာမှာ
ခွေးအလှမွေးပြီး
ယဉ်ကျေးချင်ယောင်ဆောင်သောလူသားကမ္ဘာမှာ။

ဘာမနာလိုစရာရှိလဲ
ကိုယ်က တောနက်တယ်
လောကက ငါးမန်းပေါတယ်
အသား အသားချင်းမို့ မှားယွင်းမိခဲ့တယ်။

သစ်ကောင်းအိမ်
Monday, July 16, 2007