Showing posts with label poem. Show all posts
Showing posts with label poem. Show all posts

Thursday, August 27, 2009

poem from an old magazine in 2003

ပြတင်းတံခါးအပိတ်
သစ်ကောင်းအိမ်
သြဂုတ် ၂၉၊ ၂၀၀၉

တံခါးတချပ်ပြီး တံခါးတချပ်
အခန်းတခန်းပြီး အခန်းတခန်း
သုံ့ပန်းတယောက်ပြီး သုံ့ပန်းတယောက်
ဧကရာဇ်တပါးပြီး ဧကရာဇ်တပါး
စစ်ပွဲတပွဲပြီး ငြိမ်းချမ်းရေးတဆူ
ငြိမ်းချမ်းရေးတဆူပြီး စစ်ပွဲတပွဲ
ဝါဒတရပ်ပြီး ဝါဒတရပ်
ဓာတ်ကြီးလေးပါးပြီး ဓာတ်ကြီးလေးပါး
မနက်ဖြန် ရောက်လာမယ့် မိုးသောက်ဟာ
မနေ့က ပျောက်ဆုံးသွားတဲ့ ဆည်းဆာတခု
ရှုမျှော်ခင်းရဲ့အဆုံးမှာ
နောက်ထပ် ... ၃၆ဝံရှိတဲ့ သံသရာတခု
နောက်ထပ် ... စက်ဝိုင်းဖြတ်မယ့် မျဉ်းတကြောင်း

[ မူရင်း - ရုပ်ရှင်တေးကဗျာ မဂ္ဂဇင်း၊ အောက်တိုဘာလ ၂ဝဝ၃ ]
Posted by at 3 comments:
Labels:

Sunday, February 22, 2009

ခင်ခင်ပျိုရေ ... ညနေခင်းဆို လေတွေပြို


တောမီးလောင်နေချိန်မှာ
တောကြောင်တွေ လမ်းသလားနေတာ
ဆန်းသလားမေပျိုရယ် ...

ဗိုလ်အောင်ကျော်လမ်း
ဆဲဗဲင်းလက်ဖက်ရည်ဆိုင်မှာ
ငူငူငိုင်ငိုင်နဲ့
ကိုအောင်ချိမ့်တယောက်တော့
ခင်ခင်ပျိုကို စောင့်နေရှာသတဲ့။

၃၃ လမ်းရေ ...
၃၃ ဘ၀မက ငါလွမ်းဆွတ်မိပါရဲ့။

ခုချိန်ဆို
၃၃ လမ်းထိပ် ခရေပင်ရိပ်မှာ
စာငှက်ကလေးတွေ
အိပ်တန်းတက်နေရှာရော့မယ်။

ဒီမယ် ကိုလှသန်း
ငါတို့အောင်မြင်မှုဟာ
ညနေခင်းအရက်ဝိုင်း
အဲဒီအရက်ဝိုင်းမှာ
အရက်တပိုင်းတော့ လပ်ဟာနေမှာပဲ။

အဲဒီခွက်ကို
ကျနော်သောက်မယ် ။ ။

သစ်ကောင်းအိမ်
(၂၀၊ ဖေဖော်ဝါရီ၊ ၂၀၀၉)
Posted by at 2 comments:
Labels:

Thursday, February 19, 2009

အပျင်းပြေဆိုပြီး မောင်လွမ်းဏီကို သတိတရ


စားကျက်ထဲ
အုပ်စုလိုက်သင်းကွဲနေတဲ့
သိုးအုပ်တွေကြားတရွေ့ရွေ့
နေ့များ
ညတွေက ဆင်ခြေအမှားတွေနဲ့ညားလို့

အပျင်းပြေဆိုပြီး
တနေ့နေ့
တနေရာရာက
မိုးကုပ်စက်ဝိုင်းဆီကို
မှန်းဆ
စက္ကူနဲ့လေယာဉ်ရုပ်ချိုးကြ

အပျင်းပြေဆိုပြီး
သက်ကယ်မိုး၊ ၀ါးထရံကြား
အလှမွေးထားတဲ့ငါးလေးတွေ
စုန်ချီဆန်ချီ


အပျင်းပြေဆိုပြီး
လူစုကြ
ဘောလုံးကန်ကြ၊ ခြင်းခတ်ကြ
အထိမ်းအမှတ်နေ့ တက်ရောက်ကြ
မိန့်ခွန်းပြောကြ

အပျင်းပြေဆိုပြီး
ရည်းစားထားကြ၊ လမ်းသလားကြ
ရေဒီယို နားထောင်ကြ
နိုင်ငံရေးစာပေ လိုက်စားကြ
နာမည် အလွတ်ကျက်ကြ

တကိုယ်လုံး အစားခံရဖို့
တဘ၀လုံး အသားတိုးပေးခဲ့ရ
ဝက်တကောင်ရဲ့ဘ၀
လူကိုယ်တိုင်က လူ့အခွင့်အရေးစာအုပ်တွေ
ပြန်ဖတ်နေရ

အပျင်းပြေဆိုပြီး
ရွာပုန်းကြ၊ ရွာရှောင်ကြ
ခြေပြတ်ကြ၊ လက်ပြတ်ကြ
အဖေမဲ့ကြ၊ သားပျောက်ကြ
တောရောက်ကြ၊ တောင်ရောက်ကြ

ရယ်ရတယ်နော်
မောတော့ရယ်တယ်
ရယ်တော့ မမောတော့ဘူး
မောမောရယ်ရယ်ပေါ့ဗျာ

သေနတ်တလက်ရဲ့အဓိပ္ပာယ်ကတော့
မောင်းခလုတ်ကိုဖြုတ်တဲ့
လက်ညှိူးတချောင်းနဲ့သာ သက်ဆိုင်ခဲ့ပါတယ်။ ။

(၁၂၊ ဒီဇင်ဘာ ၊ ၂၀၀၆)
Posted by at 1 comment:
Labels:

Monday, February 16, 2009

အိုင်ပက်သူ


စပါးကြီးမြွေတကောင်ဟာ
ငါဖြစ်တယ်


သံသရာရဲ့သုံ့ပန်း
သံတိုင်မဲ့အကျဉ်းခန်းထဲ
နှာသီးဖျားက ပခြုပ်ထဲဝင်ခွေ
စိတ်ကို အဆိပ်ဖြေထားမိတယ်။

(၁.မေလ၊ ၂၀၀၈)
(မနှစ်က အဖေ့မွေးနေ့မှာရေးဖြစ်တာပါ)
Posted by at 1 comment:
Labels:

Friday, February 13, 2009

ဝဏ္ဏပဘာ

ကိုယ့်သင်းရနံ့လေးကြောင့်ပဲ
ငါ့မနက်ခင်းတွေမှာ
ကျေးငှက်ကလေးတွေ ပြန်နိုးလာ
ပန်းကလေးတွေပြန်ပွင့်လာ


ကိုယ့်သင်းရနံလေးကြောင့်ပဲ
င့ါမြက်ခင်းပေါ်မှာ
ယုန်ကလေးတွေ ပြန်ရောက်လာ
တိမ်ပြာသောနေ့တွေ ပြန်ရောက်လာ

ကိုယ့်သင်းရနံလေးကြောင့်ပဲ
ငါ့ညနေခင်းတွေမှာ
စံပယ်ပွင့်တွေ ပြန်မွှေးလာ
စမ်းချောင်းလေးတွေ ပြန်စီးလာ

အဲဒီ့ ကိုယ့်သင်းရနံလေးကြောင့်ပါပဲ
ညီမလေးရယ်
မင်းပါးပြင်ပေါ်က ပါးကွက်ကလေးဘ၀နဲ့ပဲ
သံသရာအဆက်ဆက်
မကျွတ်မလွတ်ပါရစေနဲ့လား.......

သစ်ကောင်းအိမ်
(၂၀၀၅)
Posted by at 1 comment:
Labels:

ဒီတခါနက္ခတ်စုံရင်တော့ ပြန်ဆုံကြရအောင်....ဒေလီယာ


ပြန်သောက်မိတဲ့စီးကရက်တွေကလည်း
ငယ်ငယ်တုန်းက
စီးကရက်တွေမဟုတ်တော့ဘူး

ပြန်ထိုင်မိတဲ့ လက်ဘက်ရည်ဆိုင်တွေကလည်း
ငယ်ငယ်တုန်းက
လက်ဘက်ရည်ဆိုင်တွေမဟုတ်တော့ဘူး

ပြန်နားထောင်မိတဲ့သီချင်းတွေကလည်း
ငယ်ငယ်တုန်းက
သီချင်းတွေမဟုတ်တော့ဘူး

ပြန်ပေါင်းမိတဲ့သူငယ်ချင်းတွေကလည်း
ငယ်ငယ်တုန်းက
သူငယ်ချင်းတွေမဟုတ်တော့ဘူး

ပြန်ရောက်ခဲ့တဲ့ငါမြို့လေးဟာလည်း
ငယ်ငယ်တုန်းက ငါ့မြို့လေးမဟုတ်တော့ဘူး

ငယ်ငယ်က"မာရီလင်မွန်ရိုး.." ကတော့
"မာရီလင်မွန်ရိုး...." အတိုင်း လှပဆဲ

တို့အတူလွှတ်ဖူးတဲ့စက္ကူလှေလေးတွေက
စမ်းချောင်းလေးအတိုင်းမျောပါဆဲ

တို့ကျောင်းရှေ့လမ်းမှာ
စိန်ပန်းပွင့်တွေကလည်း
ငယ်ငယ်တုန်းကလို ကြွေဆဲပဲ

နှင်းဆီလိုချိုအီတဲ့ မင်းကိုယ်သင်းရနံတွေက
နှစ်နှစ်ဆယ်ကျော်ကာလကိုဖြတ်သန်း
သောင်ရင်းမြစ်တဖက်ကမ်းထိမွှေးပျံဆဲ

ပ၀ါတကမ်းလက်တလှမ်း
နေ့စွဲတွေဟာလည်း
တို့နှစ်ယောက်ကြားမှာ
အရင်ကအတိုင်းရှိနေဆဲ

မဖြောင့်တန်းတဲ့
ငါလျှောက်နေကျလမ်းတွေလို
တို့သူငယ်ချင်း" င၀န်" ဟာလည်း
ကွေ့ကောက်ဆဲ

ငြိမ်းချမ်းပါစေ "ဒေလီယာ.."
ငြိမ်းချမ်းပါစေ ကမ္ဘာမြေကြီး
ငြိမ်းချမ်းပါစေ ကိုယ့်ရဲ့အလွမ်းများ

ရေစီးကြမ်းတဲ့မြစ်ကိုဆန်လို့
လူသားရဲ့ဝိညာဉ်မွန်ဟာ
ခေတ်တွေကို
အချစ်တွေနဲ့ထမ်းပိုးသယ်ဆောင်လို့ပါလား

အရှေ့ဆီမှာ
ရောင်နီလာတော့မယ် "ဒေလီယာ…"။ ။

သစ်ကောင်းအိမ်
(ဒီဇင်ဘာ၊ ၂၀၀၅)

Posted by at 1 comment:
Labels:

Sunday, January 4, 2009

မင်္ဂလာပါနှစ်သစ်


နံနက်လင်းတော့
ရေပုပ်မြောင်းထဲ
ကွန်ဒုံးအဟောင်းလို
ပေါလောမျောလို့။

ပြီးခဲ့တဲ့နှစ်က
ဆဒမ်ဟူစိန်ကို ကြိုးမိန့်ပေးခဲ့တယ်
အာဏာရှင်စနစ်ကို ကြိုးမပေးနိုင်သေးဘူး
ငွေကြာရံမှာ သွေးပွက်ပွက်လျှံခဲ့တယ်
ငမိုးရိပ်ချောင်းမှာ
သံဃာတော်ရုပ်အလောင်းတွေ
မျောခဲ့တယ်။

တိရိစ္ဆာန်ရုံထဲက
တောရိုင်းသတ္တ၀ါတွေကို
လွတ်ငြိမ်းချမ်းသာခွင့်ပေးချင်တယ်
လူ့တိရိစ္ဆာန်တွေကို ခြံခတ်ပြီး ပြပွဲလုပ်မယ်။

မပြီးသေးဘူး
လမ်းပေါ်က
လိင်တူအခွင့်အရေး ချီတက်ပွဲတွေ
မပြီးသေးဘူး
အီရတ်စစ်ပွဲ မပြီးသေးဘူး
ရွှေဝါရောင်တော်လှန်ရေး မပြီးသေးဘူး
ပိရမစ်ကပြီးပြီ
ဆေးစီရင်လို့မပြီးသေးဘူး။

ဆိုဟာတို ရှောသွားတာ အကြောင်းမဟုတ်ဘူး
ငါတို့ရှင်သန်နေတာက ပြဿနာ။

အနာမျိုး ၉၆ ပါး မကပေမယ့်
နာရေးကြော်ငြာက ၉၆ပါးသာဆံ့ခဲ့။

အနှစ်မဲ့နှစ်တွေထဲ နှစ်ခဲ့
နှစ်များ
မနှစ်ကနဲ့လည်း မတူခဲ့
မနှစ်ကနဲ့လည်း တူခဲ့။

အသေခံဖောက်ခွဲရေးသမားရဲ့
ဂျာကင်အောက်က
အမောဖောက်နေတဲ့
ဗုံးတစ်လုံးရဲ့ ဒုလ္လဘမှာ
ခင်ဗျားနဲ့ ကျွန်တော်ဆုံခဲ့ကြတာ
ဝမ်းသာမဆုံး ဖြစ်ရတယ်။ ။

သစ်ကောင်းအိမ်
(၁-၂-၂၀၀၈ မှာ အဆုံးသတ်ဖြစ်တယ်)

[ မူရင်း - http://drlunswe.blogspot.com/ ]
Posted by at No comments:
Labels:

Thursday, December 4, 2008

poem from yinwaykyal blog

ညပျက်

ကိုယ်ရေးကိုယ်တာတောင်ပံများ (၂)


ဘ၀ဆိုတဲ့

ဒုက္ခသည်စခန်းထဲ

ဒုက္ခသည် ငါထပ်ဖြစ်ခဲ့ရ …


လူဆိုတဲ့

သုံ့ပန်းတယောက်အဖြစ်ထဲ

သုံ့ပန်းတယောက် ငါထပ်ဖြစ်ခဲ့ရ …


လှောင်အိမ်မြဲတဲ့ငှက်တကောင်က

မှန်ရေအိုင်ထဲက ရွှေငါးလေးတယောက်ရဲ့ဘ၀

‘လွတ်မြောက်ပါစေသား’

ဆုတောင်းခွင့်ရောရှိလို့လား


ညီမလေးရယ်

၃၁ ဘုံမှာ

ငါတို့ထိရှမိကြတယ်။ ။


[ မူရင်း - http://yinwaykyal.blogspot.com/2008/11/blog-post_16.html ]

Posted by at No comments:
Labels:

Monday, November 24, 2008

poem on guru


သူငယ်ချင်း ‘ဂုရု’ သို့မဟုတ် ‘နေလ’ သို့မဟုတ်
ရာစုနှစ်ကို အားကောင်းမောင်းသန် ဆန်တက်ခဲ့တဲ့ … အလံတလက်

သူရဲဘောကြောင်တဲ့ သေခြင်းတရားက
ကောက်မြည်းသွားတာ အခံရခက်ဆုံးပဲ …။

ကောင်းရာသုဂတိဆိုတာ
သူရဲကောင်းဝိညာဉ်တွေနဲ့သာ
ဌာပနာတည်တဲ့ စေတီ …။

ထို့အတူ
သူရဲကောင်းတွေသာ
မြှုပ်နှံရာ ရင်ပြင်နီ
သူငယ်ချင်းရေ … ဂွတ်ဘိုင် ။ ။

သစ်ကောင်းအိမ် (ဇော်ကြီး)
မူရင်း - http://drlunswe.blogspot.com/
Posted by at No comments:
Labels:

Tuesday, November 18, 2008

poem from Khit Pyaing journal

သားချော့တေး

ကိုယ့်ကလောင်ကို
ချိုးဖြူငှက်အတောင်လုပ်လို့
ပျံသန်းလိုက်စမ်းပါ ငါ့သား…

မင်းသင်ရတဲ့ ပထ၀ီဝင်ထဲ
တို့နိုင်ငံရဲ့
မြေပုံချပ်ကိုဖြန့်ခင်း
နှစ်ခြောက်ဆယ်စစ်တလင်းကိုတွေ့လိမ့်မယ်

ကိုယ့်ကလောင်ကို
ချိုးဖြူငှက်အတောင်လုပ်လို့
ပျံသန်းလိုက်စမ်းပါ ငါ့သား…

မင်းသင်ရတဲ့သမိုင်းကတော့
ကမ္ဗည်းမတင်ရသေးတဲ့
သူရဲကောင်းတွေရဲ့သွေးသမိုင်းနဲ့
ရိုင်းစိုင်းနေလိမ့်မယ်

ကိုယ့်ကလောင်ကို
ချိုးဖြူငှက်အတောင်လုပ်လို့
ပျံသန်းလိုက်စမ်းပါ ငါ့သား…

မင်းသင်ရမယ့်ကမ္ဘာ့မြေပုံမှာ
သံလွင်ခက်ပေါ်ဓားစိုက်
ကမ္ဘာကျော်လူမိုက်တို့
မိုက်ကြေးခွဲကြ
ကမ္ဘာ့တိုက်ကြီး (၇) တိုက်ဟာ (ကမ္ဘာ့တိုက်ကြီး (၇) တိုက်ဟာ)
မှောင်မိုက်နေလိမ့်မယ်

ပျံသန်းလိုက်စမ်းပါ ငါ့သား…။ ။

သစ်ကောင်းအိမ်
ခေတ်ပြိုင်အွန်လိုင်းစာမျက်နှာပေါ်က ရက်စွဲမဲ့ကဗျာ။
Posted by at No comments:
Labels:

Sunday, November 9, 2008

သြဂတ်စ်တမ်းချင်း

နေ၀င်တာစောင့်မကြည့်ချင်ဘူး
နေလုံးကို ဖြုတ်ချပစ်ချင်တယ်။


လမ်းကြိတ်စက်အောက်က
ထွက်လာတိုင်း
လမ်းပြန်ဖြစ်ခဲ့မယ်။


ဆင်ပစ်ဖို့ဆိုပြီး
တောနက်ထဲဝင်ခဲ့တာ
ဘယ်တော့မှ၊
ဒရယ်သေတကောင် ထမ်းမပြန်ဘူး
စိတ်ချ... တဲ့။

ကမ္ဘာပြုမုန်တိုင်းကိုဒုန်းစိုင်းရင်း
အောက်မေ့ဖွယ်တိမ်တိုက်တွေကိုပွေ့ပိုက်
သင်တို့ နှလုံးသားထဲက
သူ့အသိုက်ရှိရာဆီ
သြဂတ်စ်လရဲ့တောင်ပံများ
ပြန်ခဲ့ပြီ။

သစ်ကောင်းအိမ်
Posted by at 1 comment:
Labels:

Wednesday, November 5, 2008

နေထိုင်ကောင်းအောင်သာနေပါ

လက်ကိုင်ဖုန်းတွေရှိတယ်
ဖုန်းထဲမှာ ပိုက်ဆံမရှိဘူး...။

သွားစရာမြေရှိတယ်
သွားစရာနေထိုင်ခွင့် လက်မှတ်မရှိဘူး။

ဒေါနတောင်တန်းတွေ လှမ်းမြင်နေတယ်
ပြန်စရာတိုင်းပြည်မရှိဘူး။

အနော်ရထာလမ်းမပေါ်မှာလည်း ကျီးကန်းတောင်းမှောက်
မဲဆောက်လမ်းတွေပေါ် ရောက်တော့လည်း

ကျီးကန်းတောင်းမှောက်
အသက်ရှူမဖြောင့်ခဲ့ကြပုံများပြောပါတယ်...။

သြော်ရွှေပဲကျင်ရမလို
ကြမ်းပိုးပဲရှာရမလို
လူ့အဖြစ်များ....

ကိုယ့်အခန်းကမိုးမလုံ
ကမ္ဘာမြေပုံပေါ်မှာလည်း လုံခြုံရာကို ရှာမတွေ့တော့
ကိုယ့်နားထင်ကိုယ် သေနတ်နဲ့တော့ကာ

ချိုးကူသံကို တမ်းတရင်း ငှက်ဆိုးသံတွေနဲ့
မိုးစင်စင်လင်းရတဲ့
လူ့အဖြစ်များ....။

သစ်ကောင်းအိမ်

မူရင်း-
http://www.punkrockmee.co.cc/2008/08/blog-post_14.html
Posted by at No comments:
Labels:

ဂိုးခေါင်ခြင်း

ရွှေဖိနပ်ဆု မမျှော်ကိုးပေမယ့်
ဘ၀ကို ရွှေဂိုးနဲ့ပဲ ရှုံးချင်တယ်။

ကွင်းဘေးကန်ထုတ်ခံရတဲ့
မျှော်လင့်ချက်တွေအတွက်
လက်ပစ်ဘော ငါမရခဲ့ပါလား။

လျောထိုးဖျက်ထုတ်ခံရတဲ့
ဂိုးသွင်းခွင့်တွေအတွက်
ပြစ်ဒဏ်ဘော ငါမရခဲ့ပါလား။

လောကဓံတရားနဲ့ သူ့မယားပါသားတွေက
တကွင်းလုံးကို ဖိကစားထားကြ
တသင်းလုံး အနီကတ်နဲ့
ငါ့ဘက် ရပ်ခဲ့တာဆိုလို့
ပရိသတ်ရယ်၊ ပြီးတော့ အားကစားစိတ်ဓာတ်ရယ်
ဝီစီသံရှည်သာ ဆုံးသွားရော။

မပွင့်သေးတဲ့ ပိတောက်ကို
တောက်ခေါက်ပြီးစောင့်ရင်းနဲ့
ဒီနှစ်လည်း နွေဦးပေါက်မကောင်းပြန်ဘူး သူငယ်ချင်း။ ။

သစ်ကောင်းအိမ်

မူရင်း-
http://synrg3.multiply.com/journal/item/206
Posted by at No comments:
Labels:

တစ္ဆေနှစ်ကောင်ရဲ့အမှောင် (မိုဒီလျာနီနဲ့ ဂျင်းနီသို့)

မင်းက
ညတွေမှာ သွပ်မိုးပေါ်လမ်းလျှောက်တဲ့ကြောင်တကောင်
ငါက
ညရောက်မှအသက်ဝင်ခွင့်ရတဲ့ ဖုတ်ကောင်တကောင်
အမှောင်မှာပဲတွေ့ကြတယ်၊

မင်းက
သင်္ဘောပျက်ပြီးမျောလာတဲ့ လူတယောက်
ငါက
သင်္ဘောပျက်ပြီးမျောလာတဲ့ ပျဉ်တချပ်
မုန်တိုင်းဖြတ်တုန်းမှာပဲတွေ့ကြတယ်၊

မင်းက
မင်းအခန်းတံခါးကိုလာခေါက်မယ့်
ဧည့်သည်တွေရဲ့တံခါးခေါက်သံကိုနားစွင့်တယ်
ငါက
ငါတို့ ခေတ်ကိုခေါင်းနဲ့ တိုက်ဖွင့်မယ့်
တံခါးခေါက်သံတွေကို နားစွင့်တယ်၊

မင်းက
‘အမေရိကား’လည်း စိတ်မ၀င်စားဘူး
မင်းပိုင်တဲ့ အမိမြေက မင်းအမေအိမ်ရှေ့မှာ
ကုန်စုံဆိုင်လေးတဆိုင်သာဖွင့်ချင်ရှာသူ
ငါက
လူအများအတွက် တိုက်ပွဲဝင်ရဲသူမဟုတ်ဘူး
လူတယောက်အနေနဲ့
လူတယောက်ရဲ့အခွင့်အရေးဆိုတာကိုပဲ
တိုက်ပွဲဝင်ရဲသူ၊


ဟီရာကလီးတပ်စ်ရဲဥနအဆိုအရဆို
မြစ်တွေဟာလည်း တခါသုံးပစဏည်းပဲ
ငါတို‹ခေတ်ရဲဥနအလိုအရဆို
‘ရိုမန်တစ်’ဆိုတာလည်း
တခါသုံးပစ္စည်းတခုရဲ့
ကုန်အမှတ်တံဆိပ်တမျိုးပဲ၊

လူတွေက
ကမ္ဘာကျော်ဘောလုံးသမားတွေရဲ့
နာမည်ကိုသိတယ်
ကိုယ်ဟန်ပြမယ်တွေရဲ့
ခန္ဓာကိုယ်အချိုးအစားကိုသိတယ်
ဒေါ်လာဈေးအတက်အကျကိုသိတယ်
ဘုရားမှာဆုတောင်းဖို့ကိုသိတယ်၊
အဲဒီလူတွေရဲ့အလိုအရဆို
ရေနံနဲ့စစ်ပွဲကြီးတွေဟာ
တွင်းထွက်ပစ္စည်းပဲ
ငါတို့အချစ်ရဲ့အလိုအရဆို
မေတ္တာတရားနဲ့ ယုံကြည်ချက်ဟာ
တွင်းထွက်ပစ္စည်းပဲ၊

မထူးဆန်းပါဘူးကွယ်
ခပ်နက်နက်ထိုးစိုက်ထားတဲ့အမှောင်မှာ
ခပ်စိပ်စိပ်စိုက်ပျိုးထားတဲ့အမှောင်မှာ
အမှောင်များမဆုံးသရွေ့အမှောင်မှာ
ငါက ပိုးစုန်းကြူးတကောင်
မင်းကတော့
အမှောင်မှာတောင်မှ
ကြောင်နက်မလေးတကောင်ပါပဲ၊
မထူးဆန်းပါဘူးကွယ်
မင်းမျက်လုံးစိမ်းတွေနဲ့
အမှောင်ကို မဲ့ပြတဲ့အခါ
ငါ့အတောင်စိမ်းတွေနဲ့
အမှောင်ကိုရွဲပြမယ်၊

မထူးဆန်းပါဘူးကွယ်
မင်းမဖွင့်နိုင်သေးတဲ့
‘ဈေးဆိုင်လေးတဆိုင်’အကြောင်း
မင်းစဉ်းစားနေချိန်မှာ
ငါကလည်း
ငါ့ဆီရောက်မလာသေးတဲ့
‘တရားမျှတမှု’တွေအကြောင်း
ငါစဉ်းစားနေလိမ့်မယ်၊

သစ်ကောင်းအိမ်
မူရင်း -
http://www.yamc.info/forum/viewtopic.php?f=41&t=2596&p=38123
Posted by at No comments:
Labels:

ဆောင်းသစ်ပင်


ဆံပင်ရှည် ဖြတ်လိုက်တယ်
ကိုယ်ပေါ်က သစ်ရွက်တွေ
တပင်လုံး လှုပ်ခါချလိုက်တယ်။

ပိတောက်သစ်ပွင့်ဖို့
အမြစ်
မြေမှာ
စွဲတယ် … ။ ။

သစ်ကောင်းအိမ်
(၀၇၊ နိုဝင်ဘာ၊ ၂၀၀၇)
Posted by at No comments:
Labels:

Friday, November 9, 2007

အိပ်မက်မြစ်



မြောက်လေရိုင်းတွေက
အထီးကျန် သစ်ကိုင်းတွေကို
အရိုးပြိုင်းပြိုင်း ကျတယ်

စိတ်ထဲ
အဆိပ်တွေ စီးကျလာပြန်ပြီ
မတိတ်သေးတဲ့အတိတ်ကို
တိပ်နဲ့ကပ်ပြီး
မတိတ်သေးတဲ့နှင်းတွေ
ပြိုဆင်းလာနေပြီ


မျက်စိမှိတ်လိုက်တယ်
အဝေးအိမ်ဆီ
မြက်ခင်းပေါ် ဒရွတ်ဆွဲ
သွက်ချာပါဒ ရောဂါသည်လေး
“ခရစ်စ်တီးနားရဲ့ကမ္ဘာ” ပန်းချီကား
ကျနော့ပါးပြင်ပေါ် လိမ့်ဆင်းသွားတယ်

ခင်ဗျားတို့ တမလွန်မှာရော
ပွင့်လင်းရာသီ ရောက်ပါပြီလား
ကျောင်းဆရာ

သွေးကြောထဲ
မြစ်စိမ်းရှင်ရှင်
ပြန်မြင်ချင်လှပြီ
င၀န် …

နှစ်တွေကြမ်းတော့
နှင်းတွေ နွမ်းခဲ့တယ် …

သစ်ကောင်းအိမ် (၀၉၊ နိုဝင်ဘာ၊ ၂၀၀၇)

မူရင်း-
http://cozan.blogspot.com/2007_11_11_archive.html
Posted by at No comments:
Labels:

ရေတံခွန်



အမေ့ရဲ့ 
မေတ္တာတရားလို
ချောက်ကမ္ဘားအစွန်းမှာ
လေဟာနယ်ထဲ
ခြေတဖက် နင်းခဲ့တယ် … ။

သစ်ကောင်းအိမ်
(၀၉၊ ၁၁၊ ၂၀၀၇)

မူရင်း -
http://cozan.blogspot.com/2007_11_11_archive.html
Posted by at No comments:
Labels:

Wednesday, November 7, 2007

ကျွန်းရွက်များအကြောင်း အောက့်မေ့မှု




ပြားချပ်သွားတဲ့ ကမ္ဘာကြီးပေါ်က
ဖိနောင့် ပါးနေတဲ့
ပြားချပ်ချပ် ဖိနပ်တရံပေါ် ရပ်ရင်း
ငါ … ဆွေးနေမိရဲ့ ။


မျက်ရစ်မပါတဲ့ အချစ်နဲ့ 
ထူထောင်ခဲ့တဲ့ ခေတ်တခေတ်ဟာ
မင်းဖြစ်ခဲ့ပေါ့
ဂန္ဓာလရာဇ်သွေးနဲ့
ငါ့ သားလေးရေ။

မင်းတို့ လူမျိုးတွေဟာ
လူတော်တွေပါ
လူပေါ်လူဇော် မလုပ်မိစေနဲ့။

မင်းတို့ လူမျိုးတွေဟာ
လူတော်တွေပါ
လူယုတ်မာတွေ မဖြစ်မိစေနဲ့။

မင်းတို့ လူမျိုးတွေဟာ
လူတော်တွေပါ
သူတပါး တိုင်းပြည်ရဲ့  အသွေးအသား
မပြစ်မှားမိစေနဲ့။

သမိုင်းဆိုတာ
သားကြောဖြတ်လို့ ရတဲ့အရာ မဟုတ်ခဲ့
တို့နိုင်ငံရဲ့  “ရွှေဝါရောင် တော်လှန်ရေး”
သွေးနဲ့ လက်ခမောင်းခတ်ခဲ့ပြီ
“ပုရွက်ဆိတ်တွေရဲ့ ဘုံဝါဒ … အဓွန့်ရှည်ပါစေ
ခွေးအတွေရဲ့ ဘုံဝါဒ … ကျဆုံးပါစေ”

တိန့်ရှောင်ဖိန်က
တိန်အန်မင် အရေးအခင်းကို
ရူးချင်ယောင်ဆောင်ခဲ့တယ်။

သစ်ကောင်းအိမ်
(၀၇၊ ၁၁၊ ၂၀၀၇)

မူရင်း-

http://drlunswe.blogspot.com/2007/11/poet-thit-kaung-eain-monologue.html

andamanhero.blogspot.com/2007/11/blog-post_08.html

maynyane.blogspot.com/2007/11/blog-post_07.html

soneseayar.blogspot.com/2007/11/blog-post_6333.html

cozan.blogspot.com/2007/11/blog-post_1297.html
Posted by at No comments:
Labels:

Sunday, November 4, 2007

ရွှေဝါရောင် စပါးတွေ ရင့်မှည့်နေပြီ ညီမလေး




ငါတို့ ကိုးကွယ်တဲ့ဆင်းတုကို
ခေါင်းရိုက်ခွဲသူ
ငါတို့ ဦးညွှတ်တဲ့ တရားကို
လှံစွပ်နဲ့ ထိုးသူ
ငါတို့ ၀ပ်တွားတဲ့ ၀တ္တကမြေကို
ကျည်ဆံနဲ့ မီးလောင်တိုက်သွင်းသူ

လမ်းဘေး
တွေ့ရာအုတ်ခဲနဲ့ ငါတို့ ပြန်ထုတယ်
ဒါ … အကြမ်းဖက်မှုလား

ကမ်းကြမ်း ဖက်ထားကြ
ငါတို့ရွက်တွေကို
ကြမ်းကြမ်း ဖက်ထားကြ

ကြမ်းကြမ်း ဖက်ထားကြ
ငါတို့တက်တွေကို
ကြမ်းကြမ်း ဖက်ထားကြ

ရန်သူကို ရန်သူလို့ မခေါ်နဲ့ဆို
ငယ်ငယ်က ဖတ်ဖူးတဲ့ ကာတွန်းထဲက လူရိုင်းတွေလို
“ ယူသန် … ယူသန်..” လို့ အော်မယ်

မစ္စတာ ဘန်ကီမွန်းရေ ….
အသက်ကယ်ဘော မပါတဲ့ ကမ္ဘာကြီးထဲ
ဘီကီနီ မ၀တ်ဘဲ
ရေနစ်နေတဲ့ ခေတ်တစ်ခေတ်ဟာ
ငါတို့ဖြစ်တယ်

မြင်ကွင်းတွေဟာ ဟင်းလင်းပဲ

ဆောင်းဦးပေါက် ကွင်းပြင်မှာတော့
ရွှေဝါရောင် စပါးတွေ
ဝင်းမှည့်နေပြီ ညီမလေး ။ ။

သစ်ကောင်းအိမ်
(၀၄၊ ၁၁၊ ၂၀၀၇)
(မူရင်း -
http://www.mizzimaburmese.com/component/content/article/16/458---.html
http://lawkanat.myanmarbloggers.org/2007_11_07_archive.html )
Posted by at No comments:
Labels:

Tuesday, October 30, 2007

စိန်ပန်းပွင့်ချိန်မှ သင်္ကန်းပွင့်ချိန် ညီမလေး



ဇီဝဇိုးငှက်တကောင်ရဲ့ အန်ဖတ်လို
မေတ္တာတရားမှာလည်း
သွေးစသွေးနတွေနဲ့
သမိုင်းပျို့တယ်

သင်္ကန်းကို မီးလောင်လို့
ခွေးတွေက တခေတ်လုံးဟောင်တယ်

ဟောင်ဖွာ ဟောင်ဖွာတွေနဲ့
မီးမညှိလေနဲ့ ညီမလေး

ရတာ ခဲထားကြတာလည်း
ရခဲခြင်းပါပဲ

နောက်ကျောက ဓားနဲ့
ကျောခိုင်း ရပ်ခဲ့တယ်

အနီးကြီး နီးဖို့
အဝေးကြီး အဝေးကြီး ဝေးခဲ့တယ် ။ ။

သစ်ကောင်းအိမ်
(၃၀၊ ၁၀၊ ၂၀၀၇)

(မူရင်း -
http://maynyane.blogspot.com/2007/10/blog-post_31.html
http://lawkanat.myanmarbloggers.org/2007_11_07_archive.html )
Posted by at No comments:
Labels:
Subscribe to: Posts (Atom)