ဒီတနှစ်ကိုလည်း
ပစ်လိုက်ရပြန်ပြီ။
ဒီအဖြစ်မှာလည်း
ပျက်လိုက်ရပြန်ပြီ။
နှစ်လေးဆယ်နားက
မြစ်ကွေ့မှာ
နေကောင်းကျန်းမာပါစေ
ငါ့အချစ်။
ငါ့တနွေလုံး နေလုံးကွယ်ခဲ့
ငါ့တမိုးလုံး မိုးမီးလောင်ခဲ့
ငါ့တဆောင်းလုံးလည်း စောင်းကြိုးတွေပြတ်ခဲ့
နှစ်လေးဆယ်နားက
မြစ်ကွေ့မှာ
ကျန်းမာပျော်ရွှင်နိုင်ပါစေ
ငါ့အချစ်။
နှစ်ခြောက်ဆယ်အမောထဲမှာ
ငါမျောနေတာလည်း
ပျော်တယ်လို့ပဲ ပြောရမယ်
ဗေဒါလမ်းမှာ လွမ်းစရာဘာရှိလဲ
လမ်းဆုံးတော့ ရွာပျောက်တယ်
အလွမ်းဆုံးရေ
အကြမ်းဆုံးမြစ်ကို ဆန်ဦးစို့
နှစ်လေးဆယ်နားက
မြစ်ကွေ့မှာ
ကျန်းမာပျော်ရွှင်နိုင်ပါစေ
ငါ့အချစ်။
(၂၈. ၆. ၂၀၀၉)
တသက်လုံး
ချိုးထောင်၊ ခါနှိုက်လုပ်လာတဲ့ကောင်
စိတ်ကောင်းဝင်တဲ့နေ့မှာ ငှက်လွှတ်မယ်
အရုဏ်ဦးမှာ
ချစ်စွာသောကြာပန်းရနံ့တို့ဖြင့်
မွှေးပျံစွာ
ဘုရားပန်းတင်မယ့်လက်များ
အရာရာဟာ
လျာထားချက်ထဲမှာပဲ
ရှိသေးတယ်
တောကနက်လွန်းတော့
ခြင်္သေ့ရှိတယ်
ခွေးအရှိတယ်
လင်းယုန်လည်းရှိတယ်
လင်းတလည်းရှိတယ်
ကမ္ဘာကျော်ဘောလုံးသမား
မဖြစ်လည်း
ကမ္ဘာကြီးရဲ့အရေပြားပေါ်
ဆေးမင်ထိုးခဲ့တယ်
အပျော်စီးသင်္ဘောကြီးနဲ့
ကမ္ဘာ့သမုဒ္ဒရာကြီးတွေမဖြတ်ဘူးပေမယ့်
ဘတ်(စ)ကားကြီးတစင်းထဲ
ပျော်ရွှင်နေတဲ့လူအုပ်ကြီးထဲတိုးဝင်
အိမ်ပြန်ချင်တယ်
……ကမ္ဘာစစ်နှစ်ခုနဲ့ညားခဲ့တဲ့
နာမည်ကျော်မုဆိုးမ……
မြစ်ကူးချောင်းခြားတောင်
အနမ်းဟာ ယမ်းနံ့မကင်းဘူး
ဧဒင်မျိုးတုံးဖို့
လူသားဗုံးတွေတလုံးပြီး
တလုံးပေါက်ကွဲနေချိန်မှာ
တို့တယောက်ကိုတယောက်
ပိုချစ်ကြရအောင် ဒေလီယာ…..။ ။
၂၇. ဇန်န၀ါရီ. ၂၀၀၈
